CANGAS.-XXI Concursu de Cuentos Curtios n`asturianu
Las obras van poder presentase hasta’l 5 de setiembre no Serviciu de Normalización Ḷḷingüística
El Conceyu de Cangas del Narcea, al traviés del Serviciu de Normalización Ḷḷingüística, recuerda que tán a disposición pública las bases del XXI Concursu de Cuentos Curtios del Conceyu Cangas,dotáu con dous premios de 500 euros, unu pal meyor relatu escritu na variedá occidental del
asturianu ya outru pal meyor cuentu escritu na variedá normativa. Los relatos van poder presentase hasta’l 5 de setiembre na oficina del Serviciu de Normalización Ḷḷingüística, yá sea de manera presencial ou por corréu certificáu na mesma dirección nun sobre sin remite. Los relatos han tar
firmaos por un pseudónimu ya axuntar una plica conos datos reales de l’autora ou autor.
Cangas del Narcea vei entregar dous premios de 500 euros a los meyores cuentos curtios escritos n’asturianu
La temática del concursu ha ser ḷḷibre ya las obras inéditas, con una extensión mínima de cinco fueas ya una máxima de venti, presentadas a espaciu doble en formatu DIN A4. Los cuentos van ser valoraos por un xuráu compuestu por representantes de la Conceyalía de Cultura de Cangas del Narcea, la responsable del Serviciu de Normalización Ḷḷingüística,
un/a representante de la Rede de Normalización Ḷḷingüística nos Conceyos, amás de docentes ya escritoras/es en ḷḷingua asturiana. El xuráu vei comunicar el sou determín por ví
