CANGAS DEL NARCEA.- Arranca UABRA 2017
CANGAS DEL NARCEA.- Arranca UABRA 2017
Inauguránonse un añu más los cursos de la Universidá Asturiana de Branu, qu’estiañu inclúin un cursu elemental de l.lingua asturiana, unu avanzáu, unu de capacitación pa la traducción al asturianu ya trés d’afondamientu cultural ya l.lingüísticu, que se dedican estiañu a las tecnoloxías nuevas na educación, a los cantares, los bail.les ya los instrumentos tradicionales ya al cine.
Amás de los cursos, la UABRA trai a Cangas muitas actividades: charlas interesantísimas los días 1, 3, 4, 8 ya 10 sobre literatura, ecoloxismu, etc., que pueden disfrutase na Escuela Hogar de Cangas a las 19:00 horas, quitando’l vienres 4, que se celebrarán a las 20:00 horas.
Igualmente, tanto’l miércoles 2 cumo’l miércoles 9 haberá dous conciertos de música no Teatru Toreno, el primeiru vei ser de Corquiéu ya’l segundu de Tuenda.
Toda la ciudadanía canguesa vei poder participar de las actividades ufiertadas.
La teniente alcalde, Laura Álvarez García, valoróu mui positivamente la colaboración nun proxectu tan ambiciosu cono Principáu d’Asturias, la Universidá d’Uvieo ya l’Academia de la Llingua Asturiana ya consideróu valoratible, por necesario, que los cuatro organismos sigan trabayando xuntos pol futuru del idioma.
