CANGAS DEL NARCEA.- XIV Concursu’i cuentos curtios del conceyu
El Conceyu Cangas convoca la edición XIV del sou concursu’i cuentos curtios n’asturianu.
Cumo vien siendo avezao, nesta convocatoria podrán participar tolas personas mayores de 16 años qu’asina lo deseen, bien na categoría d’asturianu normativu, bien na d’asturianu occidental.
Las obras han tener una extensión mínima de 5 fueyas ya una máxima de 20. El plazu máximu pa concurrir a esta convocatoria acaba’l día 12 del mes muertu.
Las personas interesadas en participar pueden enviar las súas creaciones al Serviciu de Normalización L.lingüística, que s’asitia na Casa la Cultura “Palaciu d’Oumaña”, en La Plaza la Oliva, s/n, 33800, Cangas del Narcea.
Con iniciativas d’esti tipu’l Conceyu Cangas pretende arriquecer las l.letras asturianas al tiempu que se dignifica la nuesa l.lingua.
